ከአዲስ አበባ ወደ ጎጃም በሚወስደው መንገድ ላይ ባጋጠመ የድንጋይ መንሸራተት ናዳ የትራንስፖርት አገልግሎት መስተጓጓል አጋጠመ

አምባ ዲጂታል፣ ዐርብ ነሐሴ 7፣ 2013 ― ከአዲስ አበባ ወደ ጎጃም በሚወስደው መንገድ ዓባይ በረሃ በመባል በሚታወቀው አካባቢ ባጋጠመ የድንጋይ መንሸራተት ናዳ የትራንስፖርት አገልግሎት መስተጓጓል ማጋጠሙን የኢትዮጵያ መንገዶች ባለስልጣን አስታውቋል፡፡

የድንጋይ መንሸራተት ናዳው ልዩ ስሙ ፍልቅልቅ በሚባለው ስፍራ ላይ ማጋጠሙን የኢትዮጵያ መንገዶች ባለስልጣን ገልጧል፡፡

ይህን ችግር በቶሎ ለመቅረፍም የኢትዮጵያ መንገዶች ባለሥልጣን በስፍራው አሰቸኳይ ጥገና የሚያደርግ ግብረ ሃይል በመላክ በስፍራው ከሚገኘው አሰቸኳይ ጥገና ቡድን ጋር በጋራ እየሰሩ መሆኑን ገልጿል።

ስራው ተጠናቆ መንገዱ ክፍት ሲደረግ የሚያሳውቅ መሆኑንም ባለስልጣኑ አስታውቋል።