የተመድ ዋና ጸሐፊ በኢትዮጵያ እየተካሄደ ያለው ምርጫ ነጻ እና ሰላማዊ መሆኑን ማረጋገጥ ይገባል አሉ

አምባ ዲጂታል፣ ሰኞ ሰኔ 14፣ 2013 ― የተባበሩት መንግስታት ድርጅት ዋና ፀሃፊ አንቶኒዮ ጉቴሬዝ በኢትዮጵያ የሚገኙ ባለስልጣናት እና ደጋፊዎቻቸው በአገሪቱ እየተካሄደ የሚገኘው ምርጫ ሁሉም መራጮች በነፃነት እና በሰላማዊ መንገድ የሚመርጡበት መሆኑን ሊያረጋግጡ ይገባል ብለዋል፡፡

ዋና ጸሐፊው ምርጫው እየተካሄደ ያለው አገሪቱ በተለያዩ የፖለቲካ እና የደኅንነት ችግር ውስጥ ባለችበት ወቅት ነው ብለዋል።

ከምርጫው ጋር በተያያዘ ሊፈጠሩ የሚችሉ ችግሮችን በመሉ በሰላማዊ መንገድ ለመፍታት መሞከር ይገባል ብለዋል፡፡

አንቶንዮ ጉቴሬዝ የምርጫው ተሳታፊዎች ከፅንፈኝነት እንዲርቁና ለሰላም ዘብ እንዲቆሙም አደራ ብለዋል፡፡