ፍትሕ መጽሔት የዛሬ ኅትመቱ በመንግሥት ታግዶብኛል አለ

አምባ ዲጂታል፣ ቅዳሜ ሰኔ 12፣ 2013 ― ሳምንታዊው ፍትሕ መጽሔት በመንግሥት ከማተሚያ ቤት እንደታገደ መጽሔቱ በፌስቡክ ገጹ ላይ አስታውቋል፡፡

የመጽሔቱ እግድ በምን ምክንያት የተደረገ መሆኑን እንደማይታወቅ ያሰፈረው የመጽሔቱ ማስታወሻ፣ የታገደው በየትኛው ማተሚያ ቤት እንደሆነም የጠቀሰው ነገር የለም፡፡

መጽሔቱ በዛሬው እትሙ በሽፋን ገጹ ላይ በትእምርተ ጥቅስ ውስጥ ‹‹ለአዲስ አበባ አይሆኑም›› የሚል ርእስ መያዙን በማኅበራዊ ትስስር መድረኮቸ ላይ የተለቀቀው ምስል ያመለክታል፡፡

የዛሬው እትም ታግዶብኛል ያለው ፍትሕ መጽሔት፣ መንግሥትን በሚሸነቁጡ ጽሑፎቹ በሚታወቀው ጋዜጠኛ ተመስገን ደሳለኝ የሚመራ መሆኑ ይታወቃል፡፡