የባልደራስ አመራሮች ከእስር ተለቀቁ

የባልደራስ ለእውነተኚ ዴሞክራሲ ሊቀመንበር አቶ እስክንድር ነጋን ጨምሮ ሌሎችም ከእስር መለቀቃቸውን ፓርቲው በይፋዊ ገጹ አሳውቋል።

የፖለቲከኞቹን ከእስር የመለቀቅ በተመለከተ ጉዳዩ በሂደት ላይ ንደሚገኝ አምባ ዲጂታል ከቀናት በፊት መዘገቡ ይታወሳል፡፡

ፖለቲከኞቹን ከእስር ለማስፈታት በታኅሣሥ ወር የመጀመሪያ ቀናት ከመንግሥት የተላኩ የሀገር ሽማግሌዎች ወደ ቃሊቲ በማቅናት እስረኞቹን ለመፍታት ውሳኔ ላይ እንደተደረሰና ዝግጅትም እየተደረገ እንደሚገኝ ለእስረኞቹ ነግረዋቸው ሂደቱ ቀጥሎ በዛሬው እለት ተፈተዋል፡፡

በኢትዮጵያ በተያዘው ወር «የሀገራችንን ችግሮች በመፍታት ዘላቂ ሰላም እንዲሁም ጠንካራና ቅቡልነት ያለው ሀገረ መንግስት ለመገንባት» ያለመ ነው የተባለለት ሀገራዊ የምክክር ኮሚሽን ረቀቅ በህዝብ ተወካዮች ም/ቤት ጸድቋል፡፡

አሁን ከእስር የተፈቱት አቶ ጃዋር መሐመድ፣ አቶ በቀለ ገርባ እና አቶ እስክንድር ነጋን ጨምሮ ሌሎችም በቁጥጥር ስር የዋሉት ሰኔ 23፣ 2012 ነበር፡፡