በኦፌኮ አመራሮች መካከል ክፍፍል ተፈጥሯል የተባለው መረጃ ሐሰት ነው ሲሉ የፓርቲው ዋና ጸሐፊ ተናገሩ

አምባ ዲጂታል፣ ቅዳሜ መስከረም 15፣ 2014 ― በኦሮሞ ፌዴራላዊ ኮንግረስ (ኦፌኮ) አመራሮች መካከል ክፍፍል ተፈጥሯል የተባለው መረጃ ሐሰት ነው ሲሉ የፓርቲው ዋና ጸሐፊ አቶ በቀለ ነጋ ለሸገር ተናግረዋል።

እንደ ዋና ጸሐፊው ከሆነ በአሁኑ ሰዓት በፓርቲው አመራሮች መካከል በዓላማ ደረጃ ምንም ልዩነት የለ።

በፓርቲው ውስጥ ልዩነት አለ የሚሉ አመራሮች ካሉ በይፋ አደባባይ ወጥተው መናገር እንዳለባቸው አቶ በቀለ አክለው ገልጸዋል።

ኦፌኮ በቅርቡ ከኦሮሞ ነጻነት ግንባር (ኦነግ) ጋር ስትራቴጂካዊ ጥምረት መፍጠሩን ተከትሎ እየበረታ መጥቷል በተባለ የፓርቲ አባላት አለመግባባት አንዳንድ አመራሮች ከሀላፊነት አስከመልቀቅ እንዳደረሳቸው የሚያመለክት መረጃ ከሰሞኑ መውጣቱ አይዘነጋም።