የአሜሪካው ልዩ መልእክተኛ በሕዳሴ ግድብ ጉዳይ የሳዑዲ እና ኤሜሬትን ጨምሮ የአራት አገራት መሪዎችን ሊያነጋግሩ ነው ተባለ

አምባ ዲጂታል፣ ረቡዕ ግንቦት 25፣ 2013 ― የአሜሪካው የምሥራቅ አፍሪካ ልዩ መልእክተኛ ጅፍሪ ፌልትማን በሕዳሴ ግድብ ጉዳይ ወደ ኳታር፣ ሳዑዲ ዐረቢያ፣ የተባበሩት ዐረብ ኤሜሬት እና ኬንያ አቅንተው መሪዎቻቸውን እንደሚያነጋግሩ የአገሪቱ የውች ጉዳይ መስሪያ ቤት አስታውቋል፡፡

ከዚህ በተጨማሪ ፌልትማን ከነዚህ አራት አገራት ከፍተኛ ባለሥልጣናት ጋር በአጠቃይ የተረጋጋች ምሥራቅ አፍሪካን ለመፍጠር በሚቻልበት ሁኔታ ላይ ይመክራሉ ነው የተባለው፡፡

የአሜሪካው የምሥራቅ አፍሪካ ልዩ መልእክተኛ አምባሳደር ጄፍሪ ፌልትማን ከዚህ ከሳምንታት በፊት በተመሳሳይ ኢትዮጵያን ጨምሮ ሱዳን፣ ኤርትራ እና ግብጽን ጎብኝተው ከመሪዎቹ ጋር መምከራቸው አይዘገነጋም፡፡

አምባሳደሩ በኢትዮጵያ እና በኤርትራ በነበራቸው ቆይታ ከባለሥልጣናቱ መልካም ፊት እንዳላገኙ የተነገረ ሲሆን፣ ወደ አገራቸው ከተመለሱ ከቀናት በኋላ አሜሪካ በሁለቱ አገራት ባለሥልጣናት ላይ የቪዛ እና የኢኮኖሚ ማበረታቻ ማእቀብ መጣሏም የሚታወስ ነው፡፡