የኢትዮጵያ የኅብረተሰብ ጤና ኢንስቲትዩት ዋና ዳይሬክተር ሥራቸውን ለቀቁ

አምባ ዲጂታል፣ ማክሰኞ ግንቦት 10፣ 2013 ― የኮሮና ቫይረስ ወረርሽኝን በመከላከል ረገድ ቁልፍ የመንግስት ተቋም የሆነውን የኢትዮጵያ የህብረተሰብ ጤና ኢንስቲትዩትን በኃላፊነት ሲመሩ የቆዩት ዶ/ር ኤባ አባተ ስራቸውን መልቀቃቸው ታውቋል።

ዶ/ር ኤባ ስራቸውን የለቀቁት “በገዛ ፍቃዳቸው” እንደሆነ ኢትዮጵያ ኢንሳይደር የተባለው ድረ ገጽ ገልፀውልኛል ያለ ሲሆን፣ ለመልቀቃቸው ምክንያት ነው ያሉትን ግን አለመናገራቸው ተመላክቷል።

ከጥር 2009 ጀምሮ ላለፉት አራት ዓመታት የኢንስቲትዩቱ ዋና ዳይሬክተር በመሆን ያገለገሉት ዶ/ር ኤባ፣ የስራ መልቀቂያቸውን ያስገቡት ባለፈው ሳምንት መሆኑንም ዘገባው አመልክቷል።